Svo kom það fyrir mig

Samgöngustofa hefur gefið út námsefni sem samanstendur af nokkrum fræðslumyndum, kennsluleiðbeiningum og verkefnum. 

Markmið námsefnisins er fyrst og fremst það að gera ungmennum ljóst hverjar afleiðingarnar geta orðið þegar hættulegar hugdettur eru látnar ráða för í umferðinni. Flest umferðarslys verða af völdum rangra ákvarðana eða áhættuhegðunar sem margir kannast við.

Ungt fólk stendur oft á tíðum frammi fyrir freistingum sem m.a. felast í því að aka of hratt eða eftir neyslu áfengis. Afleiðingar slíkra ákvarðana geta verið skelfilegar. Ofmat á eigin hæfni og trú á eigin ódauðleika virðast fylgja mörgum okkar, sérstaklega á unga aldri.